Президент платформасы «Россия – мөмкинлекләр иле» проекты кысаларында оештырылган бәйгедә Идел буе федераль округыннан барлыгы 55 гаилә көч сынашты.

Финалга чыккан Татарстан вәкилләре — Казаннан Полянскийлар, Евграфовлар һәм Хәлиуллиннар гаиләләре. Катнашучылар иҗади, интеллектуаль һәм спорт биремнәрен үтәп, иң көчле гаиләләр рәтенә керде.

Җәй көне алар Мәскәүдә үтәчәк финалда катнашачак. Анда Россиянең төрле төбәкләреннән килгән гаиләләр төп бүләк — торак шартларын яхшырту өчен 5 миллион сумлык сертификатлар өчен көрәшәчәк.

Катнашучылар эмоцияләрен яшерми:

«Котырган хисләр, шатлык! Без ярымфиналга икенче тапкыр чыгабыз! Бу сезон безнең өчен аеруча бай булды — дистанцион һәм өстәмә биремнәрне зур кызыксыну белән үтәдек», — дип уртаклашты татарстанлылар.

Конкурс җиңүчеләренең исемнәре традиция буенча Гаилә, мәхәббәт һәм тугрылык көнендә игълан ителәчәк.

Чара ахырында оештыручылар һәм катнашучылар истәлеккә күмәк фотога төште.